熱門類別
- 標簽: aromatherapy 香薰
香薰生活美學 放慢感受生活
日日喺屋企有咩新搞作為枯燥乏味嘅生活增添色彩？不如就由香薰開始，打造屬於你嘅小小世界，創造屬於你嘅生活美學！香氣可以改變一個空間嘅感覺、格調同品味，幫你釋放繃緊嘅生活壓力，療癒身心靈 。
香薰精油從天然植物中萃取，以蒸餾同冷壓方式混合製成，濃度較高所以需要稀釋使用。唔同嘅天然香味對身體有不同嘅作用，例如穩定情緒、淨化抗菌甚至護理肌膚等等，坊間亦有唔少香薰療程，以最原始自然嘅芳香療法紓緩病痛。
1. 改善睡眠，紓緩緊張及焦慮情緒
平時難以入眠，成日都瞓得唔好？相信點香薰會喺最多人用嘅方法之一！因為有研究指出，香薰精油可以促使大腦分泌血清素或多巴胺等腦內神經傳導物質，幫助紓緩壓力，改善失眠、焦慮等。- 常見植物成分：薰衣草、洋甘菊、迷迭香、甜橙
Perfect Potion Sweet Dreams Essential Oil Blend：蘊含洋甘菊、薰衣草、甜橙等複方精油，幫助您放鬆心靈，喚醒大腦完全休息的感覺，最適合想瞓得好嘅你～
2. 殺菌除臭，增強免疫力
Facebook @perfectpotion
- 常見植物成分：茶樹、天竺葵、檸檬草、薰衣草、檀香
Perfect Potion Breathe Easy Essential Oil Blend：蘊含桉樹、薄荷、松木、檸檬等複方精油，具有淨化空氣的功效，有助提神同增強免疫力以對抗呼吸道疾病，從而減輕喉嚨痛和咳嗽徵狀。
3. 去水腫、通淋巴
- 常見植物成分：葡萄柚、天竺葵、薑、依蘭依蘭、廣藿香
Perfect Potion Positive Vibes Essential Oil Blend： 有助調節荷爾蒙、平衡皮脂分泌，去水腫排毒，用嚟滴兩滴浸浴放鬆吓就最啱啦～
喺屋企可以點樣用香薰精油呢？以下有2種簡單易用方法推介比各位!
1. 擴香法：
擴香法喺最廣為人知嘅常用方法。香薰精油嘅配搭可因應身體和情緒喺朝早同夜晚嘅不同需要而改變。利用藤枝、棉籤等將精油吸收後散發，屬於無火香薰，用法非常安全環保，但散發範圍較細，適用於細小空間。用後藤枝可循環再用放於其他收納空間驅味。
2.香薰噴霧機:
市面上有唔少USB式香薰噴霧機，安全無火。有啲香薰機甚至包括加濕功能，無論夏天開住冷氣定冬天乾燥環境下都可以幫皮膚保濕。香薰機採用霧化原理，令香薰散發距離更遠，相比擴香瓶適用於較大空間。
每次只需將5-7滴複方精油和適量清水(視乎型號規格)加入至香薰噴霧機中。
3.手/足/全身浸浴:
間唔中喺屋企嚟個香薰浸浴SPA都喺一種享受！特別適用於有風濕關節問題、靜脈曲張同想去除腳水腫嘅sis，熱力令肌膚毛孔擴張，迅速吸收精華之餘亦加快身體血液循環，令去水腫、通淋巴嘅精油功效果發揮更顯著。相比起香薰機同擴香瓶，精油使用量較少和耐用，如果屋企無浴缸亦可以水盆或水桶代替。
香薰精油不能直接融於水中，要預先同無香味嘅沐浴露、植物底油或精油乳化劑打圈攪勻，每次只需將5-8滴精油就足夠，然後加入已備好嘅熱水中就可以享受香噴噴嘅SPA啦。
*注意：精油不能口服及避免直接使用未經稀釋的複方精油，稀釋後塗抹時應避開眼部位置。請存放於兒童接觸不到的地方。懷孕期間需避免使用精油。
- 標簽: aromatherapy 香薰
去去壓力走！日常生活放鬆身心、減壓三大貼士
香港人工作繁忙，日日有work冇life，dealines多到永遠見唔到盡頭，長期壓力大可以話係家常便飯。當壓力不斷累積卻得唔到處理，心理便會慢慢影響生理，令我地嘅皮膚變差。為左好好保養我地嘅肌膚，就要從根源著手，學習排解壓力！
Tip 1. 腹式呼吸法 定期為身心清除壓力
當我地處於壓力大，精神崩緊嘅狀態下，我地嘅呼吸會變得急促同不規律。依個時候可以透過進行腹式呼吸練習，慢慢地深呼吸，讓精神得到放鬆。每日堅持練習仲可以提升我地抗壓能力，讓我地面對突如其來嘅巨大壓力時都會頂得住！
步驟：
1) 揾一個舒適嘅地方坐下，儘量放鬆身體，閉上雙眼。
2) 慢慢地呼吸
雙手輕輕地放係肚臍位置，嘗試以鼻吸、口呼嘅方式慢慢地呼吸。吸氣時心中數住1,2,3，好似BB咁係吸氣嘅同時肚仔慢慢脹起；同樣地，呼氣嘅時候心中亦數住1,2,3，肚仔同時亦慢慢地回到原本嘅位置。
千萬要記得成個過程嘅重點唔係吸入幾多空氣，而係要慢！每個人呼吸嘅深度同所需停頓嘅時間會因自身嘅肺活量而有落差，所以過程中我地只要放慢，集中注意力係我地肚仔嘅活動就可以啦。
3) 任由回憶片段浮現
係呼吸練習嘅過程中，腦海中可能會浮現各種生活片段，部分甚至係令妳好煩擾嘅事，咁其實係好正常嘅，唔需要刻意去諗其他野分散注意力，任由片段自己消失就可以啦。
4) 堅持每日練習
每一組呼吸練習維持5-10分鐘，每日做2－3組，咁就能夠提升自身嘅抗壓能力，即使突然需要面對巨大壓力，都會頂得住！
Tip 2. 投入音樂世界
相信好多sis出街都有聽歌嘅習慣，當感覺到壓力愈來愈大嘅時候，不防將手機入面播放緊含有人聲、鼓聲、節奏快、情感較哀傷或激昂嘅音樂改為節奏較慢、冇人聲、以結他同鋼琴為主，甚至有流水聲嘅純音樂，透過音樂放慢心跳及呼吸頻率，降低壓力水平，放鬆神經。
音樂推介：Marconi Union嘅 ”Weightless”
依首由英國樂團Marconi Union同聲頻治療師聯手創作，將吉他、鋼琴同其他電子元素與自然環境嘅聲音結合，短短8分鐘嘅純音樂，被英國聲音治療學院譽為最有效讓人放鬆嘅樂曲，有效為人凝造處於無重狀態下嘅感覺，繼而鎮靜神經、舒緩因壓力而導致嘅心跳加速，短時間內為各位sis排解壓力。
Tip 3 借香薰氣味同壓力講bye bye
好多由植物提煉而成嘅香薰精油對舒緩壓力都好有幫助。壓力大嘅時候，只要將幾滴精油倒入香薰噴霧器或者香薰爐，室內就可以彌漫住香氣，讓各位sis崩緊嘅神經得以放鬆。
依蘭依蘭
又稱為香水樹，香氣甜美而濃郁。氣味有助造節腎上腺素分沁，放鬆神經，鎮靜憤怒、焦慮、恐懼等情緒
香薰精油推介：
Canvas Ylang Ylang Essential Oil Organic 依蘭依蘭香薰油 （有機）
加基礎油按摩除左有舒緩壓力、定神嘅功效外，亦能夠幫助各位sis平衡油脂分泌，繼而改善暗瘡問題。
薰衣草
氣味相對溫和，相信大部分sis都能接受。係瞓覺時使用，淡淡嘅薰衣草香氣有助入眠。另外，佢嘅香氣亦能鎮靜同穩定情緒、鬆持神經、消除浮躁。
香薰精油推介：
Lavender Essential Oil Organic 薰衣草香薰油
薰衣草嘅香氣有效安撫神經，舒緩因精神緊張而引致嘅失眠、頭痛問題。另外，香氣亦能減輕各位sis嘅經痛不適，減輕痛楚。
壓力係香港總係無可避免，但只要從日常生活著手，就唔會被壓力打敗！
