加入購物車

News

RSS
香薰生活美學 放慢感受生活

香薰生活美學 放慢感受生活

日日喺屋企有咩新搞作為枯燥乏味嘅生活增添色彩?不如就由香薰開始,打造屬於你嘅小小世界,創造屬於你嘅生活美學!香氣可以改變一個空間嘅感覺、格調同品味,幫你釋放繃緊嘅生活壓力,療癒身心靈 。


香薰精油從天然植物中萃取,以蒸餾同冷壓方式混合製成,濃度較高所以需要稀釋使用。唔同嘅天然香味對身體有不同嘅作用,例如穩定情緒、淨化抗菌甚至護理肌膚等等,坊間亦有唔少香薰療程,以最原始自然嘅芳香療法紓緩病痛。

perfect-potion-blog

以下我哋為你介紹常見香薰精油同其中嘅植物成分對於我哋的身體、肌膚和情緒嘅不同功效以及使用方法!

 

1. 改善睡眠,紓緩緊張及焦慮情緒

平時難以入眠,成日都瞓得唔好?相信點香薰會喺最多人用嘅方法之一!因為有研究指出,香薰精油可以促使大腦分泌血清素或多巴胺等腦內神經傳導物質,幫助紓緩壓力,改善失眠、焦慮等。
  • 常見植物成分:薰衣草、洋甘菊、迷迭香、甜橙

perfect-potion-sweet-dream

Perfect Potion Sweet Dreams Essential Oil Blend:蘊含洋甘菊、薰衣草、甜橙等複方精油,幫助您放鬆心靈,喚醒大腦完全休息的感覺,最適合想瞓得好嘅你~

 

2. 殺菌除臭,增強免疫力

perfect-potion-breathe-easy
Facebook @perfectpotion

除咗安寧作用,植物亦有天然殺菌抗毒嘅功效。除咗追求香氣外,隨時保持空間潔淨之餘,提升自身免疫力都非常重要㗎!
  • 常見植物成分:茶樹、天竺葵、檸檬草、薰衣草、檀香

Perfect Potion Breathe Easy Essential Oil Blend:蘊含桉樹、薄荷、松木、檸檬等複方精油,具有淨化空氣的功效,有助提神同增強免疫力以對抗呼吸道疾病,從而減輕喉嚨痛和咳嗽徵狀。

3. 去水腫、通淋巴

perfect-potion-positive-vibe

去水腫亦都喺其中大熱嘅香薰精油功效之一,某啲香薰精油亦可以適用於肌膚,透過手心熱力以按摩將精油更快滲入肌膚中,同時亦可以緊緻肌膚,紓緩肌肉緊張。配合穴位按摩加速淋巴循環排毒去濕,達到去水腫嘅效果。吸入香氣仲有助調節荷爾蒙添!
  • 常見植物成分:葡萄柚、天竺葵、薑、依蘭依蘭、廣藿香

Perfect Potion Positive Vibes Essential Oil Blend: 有助調節荷爾蒙、平衡皮脂分泌,去水腫排毒,用嚟滴兩滴浸浴放鬆吓就最啱啦~

喺屋企可以點樣用香薰精油呢?以下有2種簡單易用方法推介比各位!

 

1. 擴香法:

perfect-potion-blog

擴香法喺最廣為人知嘅常用方法。香薰精油嘅配搭可因應身體和情緒喺朝早同夜晚嘅不同需要而改變。利用藤枝、棉籤等將精油吸收後散發,屬於無火香薰,用法非常安全環保,但散發範圍較細,適用於細小空間。用後藤枝可循環再用放於其他收納空間驅味。

 

2.香薰噴霧機:

perfect-potion-blog

市面上有唔少USB式香薰噴霧機,安全無火。有啲香薰機甚至包括加濕功能,無論夏天開住冷氣定冬天乾燥環境下都可以幫皮膚保濕。香薰機採用霧化原理,令香薰散發距離更遠,相比擴香瓶適用於較大空間。
每次只需將5-7滴複方精油和適量清水(視乎型號規格)加入至香薰噴霧機中。

 

3.手/足/全身浸浴:

perfect-potion-blog

間唔中喺屋企嚟個香薰浸浴SPA都喺一種享受!特別適用於有風濕關節問題、靜脈曲張同想去除腳水腫嘅sis,熱力令肌膚毛孔擴張,迅速吸收精華之餘亦加快身體血液循環,令去水腫、通淋巴嘅精油功效果發揮更顯著。相比起香薰機同擴香瓶,精油使用量較少和耐用,如果屋企無浴缸亦可以水盆或水桶代替。

香薰精油不能直接融於水中,要預先同無香味嘅沐浴露、植物底油或精油乳化劑打圈攪勻,每次只需將5-8滴精油就足夠,然後加入已備好嘅熱水中就可以享受香噴噴嘅SPA啦。

perfect-potion-blog

「休息是為了走更長的路」,感覺疲倦時不妨借助香薰嘅力量將生活嘅煩惱暫時放低!放慢呼吸節奏,集中感受瀰漫於空氣中的香味,享受靜靜地嘅獨處時光,同內心靈魂深處嘅自己對話吧!

 

*注意:精油不能口服及避免直接使用未經稀釋的複方精油,稀釋後塗抹時應避開眼部位置。請存放於兒童接觸不到的地方。懷孕期間需避免使用精油。

  • A EB