美肌小tips: 打造夏日透明美肌！

香港嘅天氣潮濕悶熱，出街要防紫外線，返工長期坐室內冷氣又容易抽乾皮膚水份，今年嘅夏天仲多咗口罩同我哋一齊渡過添。以下會同各位sis介紹夏天嘅日常生活習慣同護膚需要注意嘅地方，由外而外一齊打造透明果凍肌努力！

【內在養生】

Tip #1 養肌食療

夏季是調養心臟、血液循環系統的時節，特別香港人習慣出街食飯同飲冰涼嘅手搖飲品嘅飲食習慣，由飲食入手可以令護膚品效果更明顯～

• 避免過量進食生冷食物
  「肺主皮毛，傷表裏」：凍飲傷肺氣，易致毛孔開合失調，戒凍飲喺有助收毛孔㗎。
  「水濕內停」：另外生冷食物容易造成脾胃循環濕滯，容易形成水腫。
  
  
• 夏天時令湯水「降脂明目、清解血毒」： 《牛蒡根金銀花桂花茶》
  調和陰陽，調理好內在都可以做到美顏排毒！當中牛蒡根、金銀花 、桂花三種材料都有清熱解毒嘅功效，特別喺桂花可以美白排毒，氣味清香令人心境舒暢！

Tip #2 排毒去水腫

• 排毒瑜伽：Detox Yoga
  做適量運動有助排毒，呢種瑜伽主要多伸展、轉腰嘅動作，比較適合平時無運動習慣嘅sis，有氧運動唔止可以加快新陳代謝，仲可以令毛孔擴張，連同皮膚內的污垢及油脂一齊排出嚟。

• 淋巴結排毒按摩
  夏天飲得生冷嘢多成日水腫，臨訓前用15分鐘按摩以下淋巴集中部位可以幫助去水腫排毒㗎！

• 飲水排毒法：記住每日飲夠2000mL水，身體細胞先至可以正常新陳代謝，排出體內廢物，同時確保皮膚時刻都補足水份！sis們都可以買1公升嘅水樽或有飲管嘅水杯嚟幫自己飲多啲水㗎～
  
  

【外在保養】

相信唔少sis有好多皮膚煩惱，戴住口罩又熱又焗，仲要避免暗瘡粉刺問題，想保養好肌膚真喺唔可以懶。隨咗由飲食入手保養身體，外在肌膚都需要靠護膚品加強保養，一齊睇睇夏日 護膚有咩小tips喇！

Tip #1 選擇正確適合的護膚品
夏天出汗又出油，喺疫情期間仲要戴口罩焗住全日，出街咁多細菌，更加要注意清潔！尤其喺平日經常化妝嘅sis，化妝品會殘留喺皮膚入面，日積月累依附喺皮膚上會造成黑頭、粉刺等毛孔阻塞嘅問題，亦都會阻礙皮膚吸收護膚品嘅營養㗎！

• 去角質使用次數：建議油性肌：1星期1次；乾性/敏感肌：2星期1次；
  混合肌：2星期1次並集中做出油較多嘅部位。避免因為過度清潔損害皮膚本身嘅皮膚屏障，亦需要視乎不同產品而定。
  
  
• 最佳深層潔淨時間：沖涼時借助水蒸氣擴張毛孔敷個深層潔淨面膜，有助促進肌膚微循環， 幫助毛孔排走毒素。

Tip #2 夏日日常保濕Checklist 

皮膚飲飽水先會望落水潤剔透，趕走暗沉！
正確日常保濕程序：爽膚水 ＞精華＞乳液/面霜

• 讓皮膚完全吸收：搽完爽膚水後要等皮膚完全吸收先搽精華同乳液，如果唔喺就會將水分同油分撈埋令肌膚難以吸收㗎喇！
  
  
• 控油前先要保濕：點解有時做足控油都仲繼續出油？原因可能喺水油唔平衡！保濕之後都要做好鎖水，利用少量嘅油分鎖住細胞內嘅水分，啫喱狀或乳液狀質地嘅保濕產品就最適合，唔會痴笠笠同加重皮膚負擔！

• 濕敷加強底層保濕: 乾性肌膚可以用爽膚水濕敷約5-15分鐘喺某啲特別容易甩皮起屑地方，緩解肌膚乾渴、穩定膚況。然後再搽乳液加強皮膚鎖水力，以防水分流走。

• 減輕皮膚負擔：夏天出汗加上戴口罩，應該選擇比較清爽透薄嘅保濕產品，常見 成分有：維生素B3同B5、透明質酸、膠原蛋白等等。夏天使用太滋潤嘅產品反而會焗出暗粒或油脂粒，導致暗瘡大爆發。

Tip#3 想美白先防曬！ 

平日防曬只需要SPF50以下、PA++的產品就已經足夠。戶外活動防曬SPF50或以上、PA+++而且具有防水功能嘅防曬適合戶外或水上活動使用。注意UV越強，肌膚的負擔越大。

md:ceuticals 3D Moisturizing Sunscreen Protection™ SPF50+
(Instagram:  @mdceuticals)

• 低敏感防曬成分：皮膚較容易敏感嘅sis可以試用物理性防曬，選購時可以主要成分為二氧化鈦(Titanium Dioxide)、氧化鋅(Zinc Oxide)。

呢款md:ceuticals 全物理抗氧防曬霜SPF 50+ 100%全物理防曬及PA++++能阻擋UVAI、UVAII及UVB紫外線，全面保護肌膚細胞，成分更含維他命E、B5、B3幫助抗氧，防曬都可以達至修護再生及補濕！

iS Clinical Cleansing Complex (Instagram: @isclinical)

• 防曬都要落妝: 除咗全化學性防曬以外都需要卸妝清潔，避免殘留成分堵塞毛 孔引致生暗粒。

呢款人氣潔膚液 iS Clinical Cleansing Complex 含有積雪草同洋甘菊精華、維他命A及E，可以深層潔淨毛囊兼保濕，同時抑制暗瘡細菌添！

Olecule Radiance C (Facebook: @Olecule)

• 最佳美白品「維他命C」：Vitamin C喺弱酸性嘅超級抗氧化物，可以幫助對抗外在環境侵害，朝早晚上都可以搽，不過謹記早上搽完出街要記得搽防曬！
  

呢款維他命C精華含有4大嶄新醫學天然美白組合(Alpha-Arbutin, Whitonyl, Cucumber, Glucosyl Hesperidin)強效美白成份極速抑制黑色素增生，促進新陳代謝，令肌膚回復緊緻。

呢個夏天可能因為疫情而減少咗外出，所以各位sis都要把握呢個機會喺屋企保養，一齊努力由內而外養靚皮膚！希望以上嘅一啲小tips可以幫到大家喇～

想瀏覽緊多夏日皇牌產品推介可以睇返㩒我哋嘅【Summer Collections】睇睇！

脫髮煩惱點算好？教妳重拾自信！🙍🏻💢

第一類：氣血不足、營養不良 

 

 

第二類：過度染燙或護髮產品使用不當

 

第三類：遺傳性基因

第四類：壓力大

去去壓力走：日常生活放鬆身心、減壓三大貼士

香港人工作繁忙，日日有work冇life，dealines多到永遠見唔到盡頭，長期壓力大可以話係家常便飯。當壓力不斷累積卻得唔到處理，心理便會慢慢影響生理，令我地嘅皮膚變差。為左好好保養我地嘅肌膚，就要從根源著手，學習排解壓力！

Tip 1. 腹式呼吸法 定期為身心清除壓力

當我地處於壓力大，精神崩緊嘅狀態下，我地嘅呼吸會變得急促同不規律。依個時候可以透過進行腹式呼吸練習，慢慢地深呼吸，讓精神得到放鬆。每日堅持練習仲可以提升我地抗壓能力，讓我地面對突如其來嘅巨大壓力時都會頂得住！

步驟：

1) 揾一個舒適嘅地方坐下，儘量放鬆身體，閉上雙眼。

2) 慢慢地呼吸

雙手輕輕地放係肚臍位置，嘗試以鼻吸、口呼嘅方式慢慢地呼吸。吸氣時心中數住1,2,3，好似BB咁係吸氣嘅同時肚仔慢慢脹起；同樣地，呼氣嘅時候心中亦數住1,2,3，肚仔同時亦慢慢地回到原本嘅位置。

千萬要記得成個過程嘅重點唔係吸入幾多空氣，而係要慢！每個人呼吸嘅深度同所需停頓嘅時間會因自身嘅肺活量而有落差，所以過程中我地只要放慢，集中注意力係我地肚仔嘅活動就可以啦。

3) 任由回憶片段浮現

係呼吸練習嘅過程中，腦海中可能會浮現各種生活片段，部分甚至係令妳好煩擾嘅事，咁其實係好正常嘅，唔需要刻意去諗其他野分散注意力，任由片段自己消失就可以啦。

4) 堅持每日練習

每一組呼吸練習維持5-10分鐘，每日做2－3組，咁就能夠提升自身嘅抗壓能力，即使突然需要面對巨大壓力，都會頂得住！

Tip 2. 投入音樂世界

相信好多sis出街都有聽歌嘅習慣，當感覺到壓力愈來愈大嘅時候，不防將手機入面播放緊含有人聲、鼓聲、節奏快、情感較哀傷或激昂嘅音樂改為節奏較慢、冇人聲、以結他同鋼琴為主，甚至有流水聲嘅純音樂，透過音樂放慢心跳及呼吸頻率，降低壓力水平，放鬆神經。

音樂推介：Marconi Union嘅 ”Weightless”

依首由英國樂團Marconi Union同聲頻治療師聯手創作，將吉他、鋼琴同其他電子元素與自然環境嘅聲音結合，短短8分鐘嘅純音樂，被英國聲音治療學院譽為最有效讓人放鬆嘅樂曲，有效為人凝造處於無重狀態下嘅感覺，繼而鎮靜神經、舒緩因壓力而導致嘅心跳加速，短時間內為各位sis排解壓力。

Tip 3 借香薰氣味同壓力講bye bye

好多由植物提煉而成嘅香薰精油對舒緩壓力都好有幫助。壓力大嘅時候，只要將幾滴精油倒入香薰噴霧器或者香薰爐，室內就可以彌漫住香氣，讓各位sis崩緊嘅神經得以放鬆。

依蘭依蘭

又稱為香水樹，香氣甜美而濃郁。氣味有助造節腎上腺素分沁，放鬆神經，鎮靜憤怒、焦慮、恐懼等情緒

香薰精油推介：

Canvas Ylang Ylang Essential Oil Organic 依蘭依蘭香薰油 （有機）

加基礎油按摩除左有舒緩壓力、定神嘅功效外，亦能夠幫助各位sis平衡油脂分泌，繼而改善暗瘡問題。

薰衣草

氣味相對溫和，相信大部分sis都能接受。係瞓覺時使用，淡淡嘅薰衣草香氣有助入眠。另外，佢嘅香氣亦能鎮靜同穩定情緒、鬆持神經、消除浮躁。

香薰精油推介：

Lavender Essential Oil Organic 薰衣草香薰油

薰衣草嘅香氣有效安撫神經，舒緩因精神緊張而引致嘅失眠、頭痛問題。另外，香氣亦能減輕各位sis嘅經痛不適，減輕痛楚。

壓力係香港總係無可避免，但只要從日常生活著手，就唔會被壓力打敗！

Party熬夜後保養小Tips

難得第二日放假，星期五Happy Friday當然要同三五知己去鬆一鬆。相信好多姊妹都面對緊一個問題，隨住年齡漸長，工作壓力愈來愈大，即使心態依然年輕，你每況愈下嘅肌膚質素卻不斷向Party Say NO，提你要早瞓養生。但識得好好保養都可以幫助你繼續做Party Girl!

Tip 1: 從飲食著手去水腫

經常熬夜，每日瞓唔夠6個鐘，身體沒有充足的時間回復， 分泌出成長荷爾蒙，將垃圾排出，就好容易出現水腫問題。平日儘量少食生冷野，飲紅豆水；朝早起身杯熱咖啡；臨瞓前避免食咸嘅野食都有助去水腫。

紅豆水做法：

1. 準備一杯紅豆，以水浸泡30分鐘
2. 倒去浸泡紅豆嘅水，重新注入清水至與紅豆比例為5:1，然後一併加熱至水滾，再熄火焗30分鐘。記得唔好將紅豆煮穿，唔係紅豆流出嘅澱粉質會造成反效果，有機會致肥！
3. 飲用時，記得唔好食埋紅豆，否則去水腫效果就冇咁顯著！另外，即使冷藏後飲用，都記得再翻熱或者保持室溫狀態，咁就可以收到最佳效果！

Tip 2：勤去角質同膚色暗沉

角質層係皮膚黑色素聚集的地方，定期去角質有助改善膚色暗沉、膚色不均的問題，收到提亮膚色嘅效果。另外，去角質可以除去皮膚老化的細胞，疏通毛孔，讓之後嘅護膚品更易被吸收。

Tip 3: 從內至外為肌膚補充養分

熬夜、睡眠不足會令肌膚生陳代謝變慢、缺水、容易出現乾紋，所以一定要好好為皮膚補充養分。保養肌膚可以由飲食著手，除左每日要飲8杯水外，亦都可以透過從食物攝取唔同嘅營養，提升肌膚自身嘅鎖水、修復能力，改善膚質。同時，亦都可以選用成分含相關營養嘅護膚品，從內至外為肌膚補充養分。

維他命B5：有效保濕、加速皮膚自的修復

含維他命B5嘅食物：西蘭花、燕麥糠、雞蛋、脫脂奶等

維他命C： 有效鎖水、淨白肌膚

維他命C有效促進膠原蛋白再生。膠原蛋白能提升肌膚自身鎖水功能，保持濕潤，充滿彈性。另外，維他命C亦能抑制黑色素，對抗色斑形成，淨白肌膚，繼而讓你嘅色更均勻透亮。

含維他命C嘅食物：苦瓜、蕃茄、士多啤梨、橙、菜心等等

維他命 K： 有效改善黑眼圈問題

雖然沒有美白功效，但維他命K可透過改善眼底水分及血液循環系統，收縮微血管，從根本著手改善因血管擴將而致、偏青色的黑眼圈。除左內服之外，各位受黑眼圈所困擾嘅sis係選擇眼霜嘅時候，都可以考慮成份含有維他命K嘅產品。

         

       含維他命K嘅食物：芥蘭丶菠菜、奇異果、燕麥、紅棗等等

Tip 4: 把握其金睡眠時間 

人體嘅排毒時間大概係每日晚上11點至淩晨3點，係依段時間肌膚細胞循環系統最為活躍，不但高速排毒，亦能有效地吸取營養，所以各位sis除左要儘量11點瞓覺外，亦要好好把握依段肌膚高效吸收養分嘅黃金時間，好好為肌膚保養，瞓個「美容覺」。

產品推介：
Canvas Rose Otto Overnight intense Moisture Mask 玫瑰滋潤補濕睡眠面膜

乳狀睡眠面膜，成份94.45%天然有機，當中嘅奧圖玫瑰精華有效深層保濕，從根本改善各種因缺水而致嘅肌膚問題，如乾燥脫皮、粗大毛孔、暗啞幼紋等等。用於睡前護理程序後，將適量嘅玫瑰滋潤補濕睡眠面膜塗均全面，第二朝起身用溫水沖洗便可。連續使用5天肌膚即可回復水嫩彈滑。

Viscontour Serum 無菌透明質酸補濕精華素

成分中嘅玻尿酸能為皮膚作天然保濕，亦有舒緩老化問題嘅作用。係日常嘅護理程序中，建議用於一般保濕乳霜前，有助促進肌膚吸引後續護膚品嘅養分；另外，亦可用作乾躁肌膚急救，於使用睡眠面膜前塗上 無菌透明質酸補濕精華素，不但有效加促面膜精華吸收，更可即時紓緩肌膚乾躁問題。配方不含油脂、香料與防腐劑，即使敏弱肌質嘅sis都可以放心使用。

有人話女人過左25歲就要少d Party，多d休息，早瞓養生，但其實只要識得好好護膚保養，就唔駛被年齡限制，無論幾時都可以享受同三五知己一齊Party嘅時光！

夏天面油大爆發？3大不可不知嘅控油貼士

香港夏天又熱又焗，好容易令面油大爆發。相信好多sis都試過前一刻先補完粉，下一秒已經油光滿面嘅無奈。其實只要從日常飲食、護膚程序著手，各位sis都可以係夏天保持面部乾爽。

以食療擊退面油： 山楂水

中醫認為脾胃虛弱係其中一個導致面油激增嘅原因。因著脾虛胃弱，令體內累積嘅濕氣無法排出，便容易造成濕熱，繼而令面部容易出油，粉刺暗瘡增生。根據《本草鋼目》，山楂有助健脾開胃，改善消化系統，所以對去面油好有幫助！要留心嘅係，因為山楂會破氣，所以一日唔可以食咁多，亦都唔適個孕婦、胃酸過多、老人家同大病一場後體虛嘅sis飲用。

山楂水做法：

山楂水嘅製作方法極度簡單，即使係Office都可以輕鬆做到！
1) 準備山楂乾15g及500毫升熱水
2) 將山楂用熱水浸泡10-15分鐘
3) 可按個人口味加入適量砂糖，但記得唔好太多，避免致肥
4) 記得唔好過量飲用，每日1至2杯就啱啱好！

補充肌膚水份 平衡水油比例

面部肌膚缺水係油分泌過盛其中一個主要原因。當面部角質層乾躁，皮脂線就會自動分泌油份滋潤肌膚，同時引起面油問題。所以要舒緩面油問題，各位sis記得要從內外著手，為肌膚補充水份。

Tip 1. 從內為肌膚補濕： 飲水份量要適中

各位sis一定都知道飲水對皮膚嘅重要，但如果飲得過量，反而會令身體流失電解質、礦物質等為肌膚鎖水嘅重要物質，適得其反。處於唔同階段嘅sis身體每日所需要嘅水份都唔一樣，各位sis可以參考以下嘅計算方式，再根據自己每日嘅活動量，計算自己一日需要飲幾多水（mL）：

16-30歲嘅sis每日需要嘅水份(mL) = 體重(kg) x  35至40
31-54歲嘅sis = 體重(kg) x  30至35
55-65歲嘅sis = 體重(kg) x  30
65歲以上嘅sis = 體重(kg) x  25

另外，朝早啱啱起身去洗手間前，身體仍未正式運行，同時處於缺水狀態。建議各位sis係依個時間飲一杯暖水，因為缺水狀態下嘅肌膚最有效吸收水份，同時可以加促身體血液運行。

Tip 2. 從外為肌膚補濕： 使用補濕產品

注意洗面方式 避免刺激油脂大量分泌

Tip 1. 洗面要適可而止

雖然每次洗面的確可以帶走我地面上嘅油脂，讓面部肌膚回復清爽，但如果過於頻密就會連保護面部皮膚嘅必要油脂都會一同洗走，繼而刺激皮膚分泌更多油脂，令我地油光滿面。

Tip 2. 洗面時避免太力摩擦肌膚

洗面時，手同面部嘅直接磨擦會唔單止刺激到皮膚油脂分泌，更加有機會破壞皮膚表層組織，令細紋增生。所以除左要用成分溫和嘅潔面產品外，亦都建議各位sis洗面前，先用手心或起泡網搓揉洗面乳至起泡，咁就可以減低與皮膚嘅摩擦，避免皮膚因受刺激而額外分泌油脂。

潔面產品介紹：

Canvas Facial Cleanser 水漾衡肌潔淨泡沫

性質溫和嘅潔面泡沫，為妳所省額外起泡嘅時間。成分中嘅芳枸葉有效維持肌膚嘅水油平衡，係控油嘅同時，為肌膚補充水份且提升肌膚鎖水力。

Tip 3. 定期去角質

面部嘅油脂分泌會堵塞毛孔，繼而引發暗瘡、暗粒等問題，所以各位sis除左要每日用溫和嘅潔面產品洗面外，都要記得定期用去角質嘅產品去除肌膚上嘅老化角質，保持肌膚幼嫩。

去角質產品推介：

Perfect Potion Bare Faced Exfoliant 深層清潔去角質粉

蘊含洋甘菊、檀香等有機成分，有效軟化、去除肌膚表層嘅角質死皮同毛孔中嘅油脂污垢，阻止由毛孔堵塞而致嘅黑頭形成。使用方法簡單，以1茶匙去角質粉混合1-2茶匙清水或花水，然後搽均全面敷15分鐘，再以打圈嘅方式輕輕按摩，最後以溫水清洗。

油光滿面往往會比人唔整潔嘅印象，我地當然明白當中嘅無奈，希望上面嘅方法可以幫到各位sis解決面油問題，享受一個乾爽嘅夏天啦！

改善敏感性皮膚三大法則

究竟我係咪屬於敏感肌？即刻做個小測試！

如果係下面7個情況中左5個或以上，咁就係屬於敏感肌~

1. 飲食突然改變或壓力劇增時，皮膚會出現泛紅，斑點同痕癢等症狀 
2. 肌膚表皮薄，兩頰血絲明顯 -
3. 生活作息不正常
4. 用清水洗完面後，皮膚感覺乾燥、痕癢 
5. 每當換季時，就容易感到痕癢、刺痛或泛紅 
6. 容易被太陽曬傷 
7. 皮膚會因空氣污染而變得痕癢 

香港好多sis都受敏感肌困擾，而敏感可由外在同內在嘅刺激所引起。內在刺激所主要由食物，如牛肉、海鮮等食物所引起；當生活作息唔定時、壓力大、身體嘅免疫系統下降，亦都會導致皮膚出現敏感情況。外在因素主要係皮膚接觸到外在具刺激性的異物所引起，如空氣中嘅污染物、化學物品、香水、含刺激成分的化妝護膚品等等。另外，陽光亦都有機會引起日光性皮炎，造成皮膚敏感。

從飲食、家居環境、日常護理著手舒緩敏感肌

1. 飲食禁忌： 向 3高1發 Say No!  

No.1 儘量避免高刺激性食物

敏感肌嘅sis記得要少食辛辣、熱氣嘅食物，例如胡椒、生薑、蔥、韭菜、蒜、咖啡、咖喱、邊爐、各種炸物等等，所以下次去譚仔記得唔好叫咁辣啦！

No.2 儘量避免高脂肪食物

各位sis記得避免脂肪含量高嘅食物，例如動物內臟、蛋黃、即食麵、堅果等等，咁唔單止可以避免進一步刺激皮脂分泌，加劇敏感情況，更加可以係抗敏感嘅同時保持完美身段！

No.3 儘量避免高糖分食物

記得避免合高糖分嘅食物，如汽水、朱古力、糖果、珍珠奶茶等等，因為依類食物有機會導致身體嘅蛋白質變異，加劇敏感狀況，所以下次飲黑糖珍奶果陣記得叫小甜啦！

No.4 儘量避免海鮮「發物」

記得避免進食會令敏能症狀「易發」嘅海產，例如海鰻、貝殻類、蝦、蟹等等。

2. 家居清潔: 同塵蟎講 bye-bye

塵蟎係一種用肉眼睇唔到、經常係我地屋企非法居留嘅微生物。佢地唔單止冇交租，仲係家居主要致敏源之一，經常依附係棉或毛質衣服、棉被同地毯上，但只要針對佢地怕熱、怕凍又怕乾嘅弱點，就可以將佢地驅逐！

Tip 1. 從寢具物料及清潔著手除塵蟎

塵蟎嘅排泄物同屍體係構成家居致敏源嘅主要物質，而床往往係重災區。建議各位sis儘量選用人造纖維製造嘅床上用品，佢地嘅質地比較平滑，令塵蟎冇咁容易依附。另外，記得每星期都要用攝氏60度嘅熱水清洗寢具，讓怕熱嘅塵蟎無處可逃！

Tip 2. 控制家居濕度

塵蟎最鍾意就係濕濕漉漉嘅地方，有實驗證明佢地係濕度65%以下就冇辨法生存，所以各位sis記得要透過抽濕等嚴格控制屋企濕度，將佢地嘅生存空間縮窄！

Tip 3. 冷凍公仔除廛蟎

好多sis都有收藏公仔嘅喜好，但偏偏廛蟎就好鍾意依附係上面，成為一大致敏源。建議各位sis定期用冷凍方法，將毛公仔放入雪櫃6小時，令廛蟎無法生存，再用吸塵機吸走寄附係公仔表面嘅廛蟎屍體同排泄物。

3. 日常護理：補水、鎖水缺一不可

Tip 1. 為肌膚好好補濕

建議敏感肌嘅sis無論有冇出現敏感情況，都要為肌膚好好補濕！特別係肌膚處於敏感狀態嘅時候，皮膚自身嘅保護屏障較容易受損，但屏障受損嘅時候，肌膚水份會大量蒸發，加劇肌膚乾躁、痕癢問題，令敏感情況更難受，所以一定要為皮膚充分補水！

產品推介：

Derma Médream CMG Anti-Allergic Solutions Gel Masque 防敏降紅水份修護凝膠膜

由瑞士皮膚科專家團隊研製，當中嘅專業配方能夠透過直接滲透真皮層最底層，深度修護不同嘅膚質。成分不含激素，有效防敏、舒緩紅腫、消炎、消滅暗瘡真菌、收細毛孔等。另外，成分亦有效促進肌膚循環再生系統，透過促進肌膚細胞更新及血液循環，加速新陳代謝，係抗敏嘅同時打造幼嫩肌膚！

使用方法：完成日常基本潔膚程序，將防敏降紅水份修護凝膠膜均勻地塗於面上，靜待15-20分鐘，或配合打圈式輕輕按摩，再用清水洗淨即可。

Tip 2. 係補水嘅同時，好好為肌膚鎖水

鎖水係保持皮膚濕潤嘅關鍵！唯有係塗抹補濕產品為肌膚補水後，使用成分溫和嘅鎖水產品,例如補濕乳霜鎮緊水份，先可以減慢肌膚水份流失，令補濕產品嘅補濕功效更長久。

產品推介：

Canvas Calendula Soothing Cream金盞花舒緩乳霜

蘊含90.95%天然有機成分，適合敏感肌嘅sis同小朋友使用。成分中嘅金盞花能夠刺激膠原再生，加快傷口癒合，且能鎮靜紅腫發炎等肌膚刺激不適問題。另外，成份中嘅尿囊素有助加快傷口癒合，淡化及預防疤痕形成。

使用方法：可作日霜做用；或係有需時嘅時候，如敏感、蚊叮蟲咬等，作重點修護。

其實敏感性肌膚又有咩好怕喎！只要好好注意飲食、清潔家居、勤力護膚，你我都可以有水潤透亮嘅肌膚！